Filialda ijara shártnaması tiykarında ijara úylerinde jasap oqıp atırǵan studentlerdiń jasaw jaǵdaylarınan xabar alıw jaqsı jolǵa qoyılǵan.

 Hár saparı Ózbekstan mámleketlik dene tárbiyası hám sport universiteti Nókis filialı direktorı, professor Bayrambay Erimbetovtıń tikkeley ózi studentlerdiń jasaw jaǵdayları menen jaqınnan tanıspaqta. Sonıń menen birge filialdaǵı hár bir juwapker aǵzasına ijarada jasap atırǵan studentlerdiń jasaw jaǵdaylarınan xabar alıp turıw boyınsha tapsırmalar berip kelmekte.

 Usı tiykarda 16-noyabr kúni «Sport túrleri» fakulteti dekanı D.Nurıshov, filial profilaktika inspektorı R.Ismaylov hám tyutorlar menen birgelikte ijara shártnaması tiykarında ijara úylerinde jasap atırǵan studentlerdiń jaǵdaylarınan xabar aldı hám gúz qıs máwsimine tayarlıq barısı menen jaqınnan tanıstı.

 Tanısıw barısında ijarada jasawshı studentlerge jılıtıw úskenelerinen itibarlı bolıp paydalanıw, jasap atırǵan xanaların taza tutıw, biymezgil kóshede júrmew, sabaqlarǵa tolıq waqtında qatnasıw kerekligi boyınsha túsindiriw jumısların alıp bardı.

 Sonday-aq, hár qanday túsinbewshilik bolǵan jaǵdayda dárhál profilaktika inspektorına, tyutorlarǵa, yaki, basqa filialdaǵı basshılardıń birine xabar beriw kerekligi boyınsha úgit-násiyat jumısların alıp bardı.

        Filial Baspasóz xızmeti.