Ózbekstan Respublikası Prezidenti basshılıǵında 2021-jıl 2-noyabr kúni ótkerilgen videosilektor jıynalısında berilgen tapsırmalardan kelip shıǵıp respublikamız aymaǵında ekologiyalıq jaǵdaydı jaqsılaw, jasıl qaplamalı maydanlardı keńeytiw, jaslar arasında ekologiyalıq mádeniyattı qáliplestiriw arqalı keleshek áwladǵa ana tábiyatımızdı taza halında qaldırıw maqsetinde «Jasıl mákan» ulıwma milliy joybarı sheńberinde hár túrdi miyweli, dekorativ terek nállerin egiw jumısları shólkemleskenlik penen alıp barılmaqta.

   Joybar sheńberinde filial miynet jámááti hám student-jaslarıda Ózbekstan mámleketlik dene tárbiyası hám sport universiteti Nókis filialı direktorı, professor Bayrambay Erimbetov bashılıǵında qalamız abadanlıǵına úles qosıw maqsetinde Nókis qalasındaǵı belgilengen orınlarǵa hám filial átirapına usı kúnge shekem 4 000 ǵa shamalas hár túrli miyweli, dekorativ terek nállerin egiw jumısları alıp bardı.

  Búgin, 25-noyabr kúni  filial miynet jámááti aǵzaları oqıw ornınıń átirapın abadanlastırıp, joybar sheńberinde 1500 túp terek nállerin ekti.

  Miyet jámááti hám student-jaslarımız tárepinen islenip atırǵan bunday abadanlastırıw, kóklemzarlastırıw jumısları keleshekte filial átirapında jasıl qaplamalı maydanlardıń keńeyiwine tiykar boları anıq.

  Kóklemzarlastırıw jumısları dawam etpekte…

Biybimaryam Qaljanova.