1-dekabr – xalıqaralıq AIJS ke qarsı gúresiw kúni múnásibeti menen búgin Qaraqalpaqstan Respublikası AIJS ke qarsı gúresiw orayı shıpakerleri E.Tóremuratova hám D.Taxirovalar qatnasında Ózbekstan mámleketlik dene tárbiyası hám sport universiteti Nókis filialı studentleri menen ushırasıw ótkerildi.

Ushırasıwdı filialdıń Jaslar menen islesiw, ruwxıylıq hám aǵartıwshılıq isleri boyınsha bólim baslıǵı B.Sabirov ashtı hám kelgen miymanlar menen tanıstırıp ótti.

Ilajda shıpakerler student-jaslarǵa AIJS tiń payda bolıw tariyxı, onıń tiykarǵı juǵıw jolları hám aldın alıw boyınsha túsinikler berip ótti. Sonday-aq, ilaj barısında student-jaslarǵa bul keselliktiń unamsız tásirleri sáwlelengen videorolik qoyıp berildi.

Bunnan soń Ózbekstan mámleketlik dene tárbiyası hám sport universiteti Nókis filialı professor-oqıtıwshıları, jumısshılar hám studentler-jasları AIJS ke qarsı gúresiw orayı shıpakerleri tárepinen gepatit B, gepatit C, AIJS infekciyasına biypul hám óz qálewleri menen qálewshiler ekspress test usılında tekserildi.

Filial Baspasóz xızmeti.