Korrupciya – bul insan huqıqlarınıń buzılıwına alıp keletuǵın, bazarlarımızdıń iskerligine tosıq bolatuǵın, adamlar qáwipsizligine qáwip salatuǵın jınayatshılıq, terrorezim hám basqada hár túrli jaman illetlerdiń rawajlanıwına tiykar jaratıp beretuǵın illet ekenligi hámmemizge málim.

9-dekabr – Xalıqaralıq korrupciyaǵa qarsı gúresiw kúni aldınan «Aksilkorrupciya aylıǵı» sheńberinde Ózbekstan mámleketlik dene tárbiyası hám sport universiteti Nókis filialı student-jasları menen korrupciyanıń aldın alıw maqsetinde Qaraqalpaqstan Respublikası Ádillik ministrligi hám Joqarı bilimlendiriw, ilim hám innovaciyalar ministrliginiń Qaraqalpaqstan Respublikası aymaqlıq basqarması qánigeleri qatnasında ushırasıw bolıp ótti.

Ushırasıw barısında qánigeler korrupciyanıń jámiyetimizdiń rawajlanıwı ushın qanshelli qáwipli illet ekenligi haqqında keń túrde maǵlıwmat berdi.

Soń filial studentleri arasında júz beriwi múmkin bolǵan korrupciyalıq jaǵdaylardı anıqlaw hám olardıń usınısların biliw maqsetinde sorawnama ótkerdi.

Filial Baspasóz xızmeti.