Sport veteranların turaqlı ráwishte dene tárbiya hám sport shınıǵıwlarına qamtıp alıw. Jaslarǵa órnek sıpatında nuranıyler arasında sport jarısların ótkeriwdi dástúrge aylandırıw. Ásirese, xalıq arasında sport veteranları tımsalında salamat turmıs tárizin úgit-násiyatlaw maqsetinde usı jıldıń 7-9-dekabr kúnleri aralıǵında Tashkent qalasında sport veteranları arasında voleybol sport túrinen Ózbekstan chempionatı bolıp ótken edi.

 Ózbekstan mámleketlik dene tárbiyası hám sport universiteti Nókis filialında jumıs islewshi hayal-qızlar arasınan dúzilgen saylandı komanda aǵzalarıda chempionatta qatnasqan edi.

 Qızǵın bellesiwlerge bay tárizde bolıp ótken chempionatta filial komandası  Namangan, Ándijan, Samarqand hám Jizzaq wálayatlarınan kelgen barlıq qarsılaslarınan ústin keldi hám 1-orındı iyelep shólkemlestiriwshiler tárepinen chempionat kubogi, medal, Diplom hám estelik sawǵaları menen sıylıqlandı.

Filial Baspasóz xızmeti.