Jaslardıń bos waqıtların mazmunlı ótkeriw,  olardıń ishinen ziyrek,  bilimli,  shaqqan hám qábiletli jaslardı anıqlaw maqsetinde Ózbekstan mámleketlik dene tárbiyası hám sport universiteti Nókis filialı studentleri arasında “Zakawat” intellektual oyınınan «Direktor kubogi» turnirine start berilgen edi.

 «Direktor kubogi» ushın filial studentleri arasında ótkerilgen “Zakawat” intellektual oyınınınıń juwmaqlawshı tur oyınları búgin jańa jıl bayramı qarsańında kóterińki jaǵdayda bolıp ótti.

 Oyın sońında ziyrek, bilimli hám qábiletli studentlerden dúzilgen komandalar arasınan 1-orın 3-kurs «Psixologiya (sport)» qánigeligi «Fly Higher» komandası aǵzalarına, 2-orın 2-kurs «Psixologiya (sport)» qánigeliginiń «Ishonch» komandası aǵzalarına hám 3-orın 3-kurs «Júziw» qánigeliginiń «GigaChad» komandası aǵzalarına nesip etti.

 Jeńimpaz komanda aǵzalarına Jańa jıl bayramı keshesinde filial administraciyası tárepinen Diplom hám pul sıylıqları menen sıylıqlanadı.

 Maǵlıwmat ornında turnirde 1-orındı iyelegen komandanıń hár bir aǵzası bazalıq stipendiya muǵdarınıń eki esesi 1.034.000 sum, 2-orındı iyelegen komandanıń hár bir aǵzası bazalıq stipendiya muǵdarınıń bir yarım esesi 775.000 sum hám 3-orındı iyelegen komandanıń hár bir aǵzası bazalıq stipendiya muǵdarınıń bir esesi 517.000 sum muǵdarında sıylıqlanadı.

Filial Baspasóz xızmeti.