Jańa jıl bayramı múnásibeti menen Ózbekstan mámleketlik dene tárbiyası hám sport universiteti Nókis filialında «Jańa jıl keshesi» bolıp ótti.

Bayram keshesin filial direktorı, professor B.Erimbetov kiris sóz benen ashıp berdi hám bársheni kirip kiyatırǵan Jańa jıl menen qızǵın qutlıqlap, juwmaqlanıp atırǵan «Jaslarǵa itibar hám sapalı bilimlendiriw jılı»nda filialdıń erisken jetiskenlikleri menen qolǵa kirgizgen tabısların ayrıqsha atap ótti.

Soń «Jańa jıl bayram keshesi» qaraqalpaq estrada juldızları, Ózbekstan mámleketlik kórkem óner institutı Nókis filialı studentleri atqarıwındaǵı qosıqlar, Berdaq atındaǵı Qaraqalpaq mámleketlik universitetiniń “Quwnaqlar hám ziyrekler” toparı aǵzalarınıń házilleri hám filialımız studentleri tárepinen tayarlanǵan hár qıylı kewil ashar oyınlar hám ayaq oyınları menen dawam etti.

Bayram keshesi barısında 2023-jılı jaqsı nátiyjelerge erisken saylandı komanda aǵzaları, studentler hám olardıń ata-anaları filial administraciyası tárepinen Húrmet jarlıǵı, Diplom hám Vaucherler menen sıylıqlandı.

Bayram keshesi barshe qatnasıwshılarǵa xosh keypiyat baǵıshladı.

Filial Baspasóz xızmeti.