Jaslar arasında kitap oqıw mádeniyatın qáliplestiriw hám olardıń kitap oqıwǵa bolǵan qızıǵıwshılıǵın artırıw maqsetinde Ózbekstan mámleketlik dene tárbiyası hám sport universiteti Nókis filialı studentleri arasında «Kitapqumar student» tańlawı bolıp ótti.

Tańlaw sheńberinde filialdıń ziyrek-student qızları arasınan dúzilgen «Ziyrek qızlar» hám «Bilimliler» komandası aǵzaları «Ádebiyat bostanı» atamasında soraw-juwap viktorinasında óz-ara bilimlerin sınaqtan ótkerdi.

Hár bir topar aǵzasınan bilim hám shaqanlıqlıqtı talap etetin viktorina sońında «Ziyrek qızlar» toparı aǵzaları qarsılas komanda aǵzalarınan ústin kelip jeńimpazlıqtı qolǵa kirgizdi.

Maǵlıwmat ornında: Tańlaw filialdıń Málimleme resurs orayı tárepinen shólkemlestirildi.

Filial Baspasóz xızmeti.