Ózbekstan Respublikası Prezidentiniń 2023-jıl 11-sentyabrdegi «ÓZBEKSTAN – 2030» strategiyası haqqında» ǵı PF-158-sanlı qararınıń orınlanıwın támiyinlew maqsetinde Ózbekstan mámleketlik dene tárbiyası hám sport universiteti Nókis filialında «Direktor hám studentler ashıq sáwbeti» atamasında ushırasıw shólkemlestirildi.

 Ushırasıwdı filial direktorı, professor B.Erimbetov ashıp berdi hám alıp bardı.

 Filial direktorı óz sózinde búgingi kúnde mámleketimizde jaslarǵa jaratılǵan imkaniyatlar, jeńillikler haqqında aytıp ótti hám birinshi semestir juwmaǵı boyınsha studentlerdiń pikir, usınısların tıńladı.

 Soń Innovacion rawajlandırıw agentligi tárepinen ótkerilgen “START4REGION” ilimiy joybarlar tańlawında óziniń “Fencing VR” joybarı menen jeńimpaz bolǵan student N.Urazbaevaǵa filial administraciyası tárepinen tayarlanǵan bir million sumlıq VAUCHER in tapsırdı.

 Sáwbetlesiw dawamında studentler filial direktorına ózlerin qıynap kiyatırǵan mashqalalar hám ámelge asırılıwı lazım bolǵan máseleler boyınsha ózleriniń pikir, usınısların bildirdi.

Filial Baspasóz xızmeti.