Ózbekstan mámleketlik dene tárbiyası hám sport universiteti Nókis filialı studentlerinde kitap oqıw mádeniyatın qáliplestiriw hám olar arasında kitap oqıwǵa bolǵan qızıǵıwshılıǵın arttırıw maqsetinde usı jıldıń 31-yanvar kúni «Kitapxanlıq – shańaraqtan baslanadı, kitapxan ana-kitapxan bala” uranı astında tańlaw bolıp ótti.

Tańlawda filial studentleri shólkemlestiriwshiler tárepinen ózbek, qaraqalpaq hám jáhán ádebiyatlarınan alıp tayarlanǵan shártler tiykarında óz-ara bellesti.

Qızǵın bellesiwlerge bay tárizde bolıp ótken jarıs sońında 1-orın «Qol tobı» qánigeliginiń studenti A.Daryabaeva, 2-orın «Kórkem gimnastika» qánigeliginiń studenti M.Xojambergenova hám 3-orın «Velosport» qánigeliginiń studenti D.Akmanovalarǵa nesip etti.

Jeńimpazlar shólkemlestiriwshiler tárepinen Diplom menen sıylıqlandı.

Maǵlıwmat ornında; tańlaw filial direktorınıń Hayal-qızlar máseleleri boyınsha másláhátshisi B.Allambergenova hám Málimleme resurs orayı baslıǵı tárepinen shólkemlestirildi.

Filial Baspasóz xızmeti.