Bársheńizdiń xabarıńız bar fevral ayı “Jaslar arasında náshebentlik hám psixatrop zatlardıń tarqalıwınıń aldın alıw” aylıǵı dep járiyalanǵan edi.

 Usı aylıq sheńberinde Ózbekstan mámleketlik dene tárbiyası hám sport universiteti Nókis filialında ÓzR IIM jınayat qıdırıw departamenti jınayat qıdırıw xızmeti basqarması baslıǵınıń orınbasarı A.Matlyubov, operativ qıdırıw xızmeti departamenti juwapker xızmetkeri A.Raximov, QR IIM operativ qıdırıw xızmeti jınayat qıdırıw bólimi baslıǵınıń orınbasarı N.Abdullaevlar student-jaslar menen ushırastı.

Ilaj barısında taraw qánigeleri dáslep, náshebentlik zatlardıń jaslar arasında tarqalıwınıń aldın alıw baǵdarında tayarlanǵan video rolikti student-jaslarǵa qoyıp berildi. Soń náshebentlik zatlardıń insan salamatlıǵı ushın zıyanlı aqıbetleri haqqında maǵlıwmatlar berip ótti.

 Studentler taraw qánigelerinen ózlerin qızıqtırǵan sorawlarına juwaplar aldı.

Filial Baspasóz xızmeti.