Respublikalıq kurash orayı sport bazasında 2004-2005-jılları aralıǵında tuwılǵan jaslar arasında sporttıń kurash túrinen Qaraqalpaqstan Respublikası chempionatı bolıp ótken edi.

  Onda barlıq qala hám rayonlardan kelgen sportshılar qatarında Ózbekstan mámleketlik dene tárbiyası hám sport universiteti Nókis filialı studentleri arasınanda sportshılar qatnastı.

  Olar arasınan «Kurash» qánigeliginiń 1-kurs studenti Z.Baltabaev hám «Dzyudo» qánigeliginiń 1-kurs studenti M.Abdrasulievlar 1-orındı iyelegen bolsa, «Kurash» qánigeliginen A.Jalǵasbaeva 2-orın hám usı qánigeliktiń studenti G.Tańırbergenova hám B.Jannazarovalar 3-orındı iyeledi.

  Jarıs sońında jeńimpaz bolǵan sportshılar shólkemlestiriwshiler tárepinen Diplom hám estelik sawǵaları menen sıylıqlandı.

Filial Baspasóz xızmeti.