Búgin, 7-fevral kúni Ózbekstan mámleketlik dene tárbiyası hám sport universiteti Nókis filialı studentleri arasında filial direktorınıń hayal-qızlar máseleleri boyınsha másláhátshisi tárepinen «11-fevral – Ilim-bilimlendiriw tarawındaǵı hayal-qızlar xalıqaralıq kúni» aldınan “Teńles-teńleske órnek” atamasında seminar-trening shólkemlestirildi.

 Trening «Bolajaq alım» tańlawı sheńberinde ótkerilgen “START4REGION” ilimiy joybarlar tańlawı jeńimpazı, «Qılıshpazlıq» qánigeliginiń 2-kurs studenti N.Urazbaeva tárepinen ótkerildi.

Nafisa dáslep ózi jaratqan “Fencing VR” joybarınıń maqseti hám onıń áhmiyeti haqqında toqtalıp ótti. Soń trening dawamında ózi qatarlı teńleslerine ilimiy joybarlar tayarlaw jolların úyretti.

 Student qızlar bul baǵdarda ózlerin qızıqtırǵan sorawlarına juwaplar aldı.

Filial Baspasóz xızmeti.