Qılıshlasıwdıń sablya baǵdarı boyınsha Ózbekstan saylandı komandasınıń aǵzası, Ózbekstan mámleketlik dene tárbiyası hám sport universiteti Nókis filialı studenti Zaynab Dayıbekova Peru mámleketinde ótkerilgen jáhán kubogi jarısında qatnasıp qola medalın qolǵa kirgizgen edi.

 Búgin Nókis xalıqaralıq aeroportında Zaynab Dayıbekovanı Respublikamız húkimet basshıları, Ózbekstan mámleketlik dene tárbiyası hám sport universiteti Nókis filialı direktorı, professor B.Erimbetov basshılıǵında ustazları, trenerleri hám dosları saltanatlı túrde kútip aldı.

 Ol usı jarısta Bolgariya, Italiya, Hindstan, Yaponiya wákilleri ústinen jeńiske eristi.

 Bunnan soń yarım finalda eki márte jáhán chempionı vengriyalı Shugar Battayǵa jeńilip úshinshi orın menen sheklengen edi. Bul eresekler arasındaǵı jáhán kuboginde ózbekstanlı qılıshpazlardıń qolǵa kirgizgen dáslepki medalı bolǵanlıǵın atap ótiw orınlı.

 Sonday-aq, sablyashı filial studenti Zaynab Dayıbekova bunnan aldın  2018-jılı jaslar arasında ótkerilgen Aziya chempionatında qola,  2019-jılı Jáhán kubogi jarıslarında altın medaldı qolǵa kirgizgen edi.

Filial Baspasóz xızmeti.