Ullı sóz zergeri XIX ásir qaraqalpaq klassik ádebiyatınıń eń kórnekli wákili Ájiniyaz Qosıbay ulınıń tuwılǵanına 200 jıl toldı.

 Usı múnásibet penen Ózbekstan mámleketlik dene tárbiyası hám sport universiteti Nókis filialında «Renessans hám jaslar» atamasında koncert baǵdarlaması bolıp ótti.

 Ilajda filial direktorı, professor Bayrambay Erimbetov hám konservatoriyanıń Nókis filialı direktorı Rudakiy Allanbaev sózge shıǵıp, qaraqalpaq ádebiyatınıń klassikalıq shayırı Ájiniyaz Qosıbay ulınıń ómiri hám dóretiwshiligi, shıǵıs xalıqları mádeniyatı, ádebiyatı, jas áwladtı Watan súyiwshilik ruwxında tárbiyalawǵa qosqan úlesi haqqında aytıp ótti.

 Koncert baǵdarlaması «Shuhrat» medalınıń iyesi, Qaraqalpaqstanǵa miyneti sińgen jaslar ustazı, professor Hikmat Rajabov basshılıǵındaǵı filialdıń xalıq sazları orkestri tárepinen shayırdıń qáleminen dórelgen «Bozataw», «Bir janan», «Gózzallar», «Amanba», «Bir páriy», «Kelip ket», «Ellerim bardı», «Kózlerim» hám «Jaqsı» qosıqlar atqarıldı.

 Ájiniyaz Qosıbay ulınıń 200 jıllıǵına arnap shólkemlestirilgen koncert baǵdarlamasınan filial miynet jámááti hám student-jaslar mádeniy dem aldı.

Filial Baspasóz xızmeti.