Ózbekstan mámleketlik dene tárbiyası hám sport universiteti Nókis filialı studentleri filial profilaktika inspektorı, kapitan R.Ismaylov basshılıǵında «Watan boylap sayaxat» uranı astında Ózbekstan Respublikası Ishki isler ministrligi Qaraqalpaq akademiyalıq liceyine sayaxat shólkemlestirdi.

 Sayaxat barısında studentler liceyde bilim alıp atırǵan oqıwshılar ushın jaratılǵan sharayatlar, yaǵnıy, elektron kitapxana, dem alıw orayları, sport maydanshaları hám sap kórigi ótkeriletuǵın orınları, sonday-aq, hár qıylı markadaǵı qural-jaraqlar menen jaqınnan tanıstı.

 Sonıń menen birge studentler sayaxat sheńberinde ishki isler uyımlarında uzaq jıllar xızmet etken nuranıylar menen «Úsh áwlad» ushırasıwında qatnastı hám taraw pidayılarınan ózlerin qızıqtırǵan sorawlarına juwaplar aldı.

Filial Baspasóz xızmeti.