Búgin Nókis qalasındaǵı 1-sanlı balalar hám jas óspirimler sport mektebinde respublikamızdaǵı barlıq joqarı oqıw orınları studentleri arasınan shólkemlestirilgen «Qalqan» jámiyetshilik toparları arasında «Turan batırları» áskeriy sport jarısı bolıp ótti.

 Jaslardı Watan súyiwshilik ruwxında tárbiyalaw, olardıń ruwxıy hám fizikalıq jaqtan tayarlıǵın kúsheytiw hám olar arasında Qurallı Kúshlerimizde xızmet etiwge bolǵan qızıǵıwshılıǵın arttırıw maqsetinde ótkerilgen áskeriy sport jarısına Ózbekstan mámleketlik dene tárbiyası hám sport universiteti Nókis filialı «Qalqan» jámiyetshilik toparı aǵzalarıda qatnastı.

 Qızǵın bellesiwlerge bay tárizde bolıp ótken jarıs sońında filial komandası aǵzaları jarısta belsene qatnasqanlıǵı ushın shólkemlestiriwshileri tárepinen Húrmet jarlıǵı menen sıylıqlandı.

Filial Baspasóz xızmeti.