Birlesken Milletler Shólkemi Bas Assambleyası 2013-jıl 20-dekabr kúni óz rezolyuciyası menen keń jámiyetshiliktiń itibarın jabayı tábiyat hám ósimlik dúnyası haqqında xabardarlıǵın asırıw maqsetinde 3-mart – Xalıqaralıq jabayı tábiyat kúni dep járiyalaǵan edi.

Sáne múnásibeti menen búgin Ózbekstan mámleketlik dene tárbiyası hám sport universiteti Nókis filialı studentleri qatnasında ushırasıw bolıp ótti.

 Ushırasıwda “Jeke gúres hám tábiyiy pánler” kafedrası assistent oqıtıwshısı Raxat Kadirov student-jaslarǵa Ózbekstan Respublikası aymaǵındaǵı ósimlik hám haywanat dúnyasında eń kem ushırasatuǵın, joǵalıp ketiw qáwipi astında turǵan túrler hám olardıń tarqalıw aymaqları haqqında keń túrde maǵlıwmatlar berdi.

 Qatnasıwshılar bul baǵdardaǵı ózlerin qızıqtırǵan sorawlarına juwaplar aldı.

Filial Baspasóz xızmeti.