Buxara mámleketlik universiteti “Psixologiya hám sociologiya” kafedrası baslıǵı, psixologiya ilimleri doktorı (DSc), professor A.Nazarov hám usı kafedranıń docenti E.Eshovlar Ózbekstan mámleketlik dene tárbiyası hám sport universiteti Nókis filialında miymanda boldı.

 Olar filial direktorı, professor B.Erimbetov penen eki joqarı oqıw orını arasında birge islesiw, óz-ara tájriybe almasıw, ilimiy jumıslardı birge alıp barıw boyınsha sáwbetlesiwler alıp bardı.

 Professor-oqıtıwshılar arasında tájiriybe almasıw, sheberlik sabaqların ótiw hám ilimiy jumıslar boyınsha birge islesiw boyınsha Buxara mámleketlik universiteti “Psixologiya hám sociologiya” kafedrası baslıǵı, psixologiya ilimleri doktorı (DSc), professor A.Nazarov hám Ózbekstan mámleketlik dene tárbiyası hám sport universiteti Nókis filialı “Dene tárbiya teoriyası hám gumanitar pánler” kafedrası baslıǵı, psixologiya ilimleri boyınsha  filosofiya doktorı (PhD), docent A.Elmuratova menen óz-ara birge islesiw boyınsha memorandum dúzildi.

 Soń Buxara wálayatınan kelgen miymanlar filialdıń “Psixologiya” (Sport) tálim baǵdarı 3-kurs studentleri menen birgelikte seminar ótkerdi.

Filial Baspasóz xızmeti.