Student-jaslardıń kitap oqıwǵa bolǵan qızıǵıwshılıǵın arttırıw, ruwxıy dúnyasın bayıtıw hám olar arasında kitap oqıw mádeniyatın qáliplestir maqsetinde Ózbekstan mámleketlik dene tárbiyası hám sport universiteti Nókis filialı málimleme resurs orayı janında shólkemlestirilgen «Kitapqumarlar dógeregi» aǵzaları arasında «Ádebiyat bostanı» atamasında soraw-juwap viktorinası bolıp ótkerildi.

 Qatnasıwshılar qaraqalpaq, ózbek, jáhán ádebiyatı shayır, jazıwshılarınıń ómiri hám dóretiwshiligine baylanıslı dúzilgen sorawlar tiykarında ózleriniń bilimlerin sınaqtan ótkerdi.

 Hár bir qatnasıwshıdan ziyreklik hám shaqqanlıqtı talap etetuǵın viktorina juwmaǵında “Tumaris” komandası 1-orın, “Aktivler” komandası 2-orın hám “Afina” komandası 3-orındı jeńip alıwǵa miyasar boldı.

 Jeńimpaz komanda aǵzaları shólkemlestiriwshiler tárepinen Húrmet jarlıǵı menen sıylıqlandı.

 Viktorina filial Jaslar awqamı baslanǵısh shólkem jetekshisi hám Málimleme resurs orayı tárepinen shólkemlestirildi.

Filial Baspasóz xızmeti.