Ózbekstan mámleketlik denetárbiyası hám sport universiteti Nókis filialında 8-mart – Xalıqaralıq hayal-qızlar kúni múnásibeti menen «Dáwir qızları» atamasında tańlaw bolıp ótti.

 Tańlawǵa ózleriniń bilimi, qábileti hám ónerleri menen ayrıqsha kózge túsken student-qızlar qatnasıp, tóreshiler quramı tárepinen olardıń ózin tanıstırıw, soraw juwap, aspazlıq sırları hám úyge tapsırma sıyaqlı shártler boyınsha qábiletlerin sınaqtan ótkerdi.

 Qızǵın bellesiwlerge bay bolǵan tańlaw juwmaǵında «Psixologiya (sport)» qánigeliginiń 3-kurs studenti Ferede Tajimuratova jeńimpaz dep tabıldı. Sonday-aq, Dúrdana Akmanova «Eń shaqqan qız», Nasiba Nurımbetova «Eń qábiletli qız», Bazargúl   Kuchkarova «Eń pázende qız», Biybinaz Bazarbaeva  «Eń tapqır qız» hám Nilyufar Radjapova «Eń ziyrek qız» nominaciyalarına múnásip dep tabıldı.

 Jeńimpazlar Diplom, belsene qatnasqanlar Húrmet jarlıqları hám  bahalı sawǵalar menen sıylıqlandı.

Filial Baspasóz xızmeti.