Kóplegen shákirtlerdiń ustazı, tájriybeli pedagog, Shaniyazov Rashit Jańabaevich búgingi 60 jasqa toldı.

 Usı múnásibet penen Ózbekstan mámleketlik dene tárbiyası hám sport universiteti Nókis filialında Rashit Shaniyazovtıń 60 jıllıq yubiley keshesi bolıp ótti.

 Kesheni filial direktorınıń Jaslar máseleleri hám ruwxıy aǵartıwshılıq isleri boyınsha birinshi orınbasarı R.Xaydarov kiris sóz benen ashtı hám yubiley iyesin shıǵıp atırǵan qutlı jası menen qutlıqladı.

 Soń Rashit Shaniyazovtiń ustazları, kásiplesleri hám shákirtleri shózge shıǵıp, onıń joqarı bilimlendiriw sistemasında islegen miynetlerin, jaslar tálim tárbiyasındaǵı pidayılıǵın aytıp ótti hám ózleriniń jaqsı tileklerin bildirdi.

 Shaniyazov Rashit Jańabaevich 1964-jıl 9-mart kúni Kegeyli rayonında tuwılǵan. Ol 1988-jıldan berli joqarı bilimlendiriw sistemasında jemisli miynet etpekte.

 Házirgi waqıtta R.Shaniyazov Ózbekstan mámleketlik dene tárbiyası hám sport universiteti Nókis filialı «Dene tárbiya teoriyası hám gumanitar pánler» kafedrasında aǵa oqıtıwshı bolıp jumıs islep kelmekte.

Filial Baspasóz xızmeti.