Mámleketimizde talantlı jaslardıń baslamaların qollap-quwatlaw, olardıń ámelge asırılıp atırǵan jumısların elede jetilistiriw. Ásirese, alıs aymaqlarda jasawshı jigit-qızlardıń bilim hám tájriybelerin arttırıw maqsetinde Ózbekstan Respublikası puqarası bolǵan 16 jastan 25 jasqa shekemgi bárshe jaslardıń qatnasında “Mirzo Ulug‘bek vorislari” Respublikalıq tańlawın hár jılı ótkeriw jaqsı jolǵa qoyılǵan.

 Usı jıldıń 9-mart kúni “Mirzo Ulug‘bek vorislari” Respublikalıq tańlawınıń qala hám rayonlıq basqıshı bolıp ótken edi.

 Tańlawǵa Ózbekstan mámleketlik dene tárbiyası hám sport universiteti Nókis filialı studentleri arasınan ziyrek, talantlı hám qábiletli jaslar qatnasqan edi.

 Olar arasınan «Mektepke shekemgi baslanǵısh tálimde dene tárbiyası hám sport» qánigeliginiń 2-kurs studenti I.Oralbaeva, «Kórkem gimnastika» qánigeliginiń 2-kurs studenti B.Abatbaeva, «Qol tobı» qánigeliginiń 2-kurs studenti A.Daryabaeva hám «Qılıshpazlıq» qánigeliginiń 2-kurs N.Urazbaevalar sıylı 1-orınlardı iyelep tańlawdıń keyingi basqıshına jollamanı qolǵa kirgizdi.

Filial Baspasóz xızmeti.