Búgin Ózbekstan mámleketlik dene tárbiyası hám sport universiteti Nókis filialı direktorı, professor B.Erimbetov, Oqıw isleri boyınsha direktor orınbasarı, Bilimlendiriw sapasın qadaǵalaw bólimi baslıǵı, Oqıw-metodikalıq bólimi baslıǵı hám «Sport túrleri» fakulteti dekanı menen birgelikle professor-oqıtıwshılardıń sabaq ótiw sheberligi hám studentlerdiń sabaqlardı ózlestiriw barısı menen tanıstı.

 Úyreniwler barısında filial direktorı studentler menen jaqınnan sáwbetlesip, olarǵa jaqsı oqıp, ustazlarınıń bergen bilimlerin puqta ózlestirip alıwları kerekligin ayrıqsha atap ótti.

 Ásirese, olardı kóp kitap oqıwǵa shaqırdı. Sebebi, joqarı oqıw orının pitkerip, óz qánigelikleri boyınsha óndiriske aralasqanda ustazlarınıń bergen bilimi hám kitaptan alǵan ruwxıy baylıǵı bir ómirlik azıq bolatuǵınlıǵı haqqında túsinikler berdi. Sonday-aq, shet tilin úyrenip, til biliw Sertifikatın alıp oqıwlarınıń izin dawam ettirip, ilim menen shuǵıllanıwǵa, ilimge jańalıq qosıwǵa shaqırdı.

  Bunnan tısqarı oqıw barısı boyınsha studentlerdiń pikir-usınısların tıńladı.

Filial Baspasóz xızmeti.