Búgin Ózbekstan mámleketlik dene tárbiyası hám sport universiteti Nókis filialı 1-kurs studentleri qatnasında «Korrupciya rawajlanıwǵa tosıq» atamasında ushırasıw bolıp ótti.

 Onda Korrupcıyaǵa qarsı gúresiw hám “Komplaens qadaǵalaw” sistemasın basqarıw bólimi bas qánigesi Nurjan Ramankulov elimizde korrupciyanı túp tamırı menen joq etiw baǵdarında islenip atırǵan jumıslarǵa toqtalıp ótti.

 Ushırasıw barısında studentlerge korrupciya illeti haqqında, onıń hár qanday jámiyettiń rawajlanıwında keltiretuǵın keri tásirleri, eger, filialda bunday jaǵdaylarǵa dus kelgende yaki onıń guwası bolǵanda kimge hám qay jerlerge múrájat etiw kerekligi haqqında túsinikler berdi.

 Esletpe: Eger sizden administraciya yaki professor-oqıtıwshılar hár qıylı dámegóylik jolı menen para talap etken jaǵdayda filialdıń «Korrupciyaǵa qarsı gúresiw hám “komplaens” qadaǵalawı sistemasın basqarıw» bólimi tárepinen shólkemlestirilgen @ANTIKARRUPSION_SPORT_NFBOT múrájáát botına múrájáát etiwińizge boladı.

Filial Baspasóz xızmeti.