Media turda filial direktorı, professor Bayrambay Erimbetov jurnalistlerge filialda tálim alıp atırǵan studentlerdiń «Sport pedagogik sheberligin arttırıw» ámeliy sabaqların ótetuǵın sport zallarında jaratılǵan sharayatlar hám islenip atırǵan jumıslar haqqında keń túrde maǵlıwmatlar berip ótti.

 Soń usı media tur sheńberinde filial student-jaslar arasında milliy sport túrleri hám xalıq oyınların keń túrde en jaydırıw hám ǵalabalıǵına erisiw maqsetinde «Direktor kubogi» ushın  qasharman top sport jarıs shólkemlestirildi.

 Jarıstıń ashılıw saltanatında filial direktorı, professor Bayrambay Erimbetov hám basqalar shıǵıp sóylep, sońǵı jılları elimizde salamat turmıs tárizin qáliplestiriw, sporttıń barlıq túrlerin ǵalaba en jaydırıw boyınsha islenip atırǵan jumıslar, sonıń ishinde, milliy sport túrlerin rawajlandırıwǵa qaratılıp atırǵan itibar haqqında keń túrde aytıp ótti.

 Bunnan soń jarısqa start berilip, komandalar ózleriniń shaqqanlıǵı hám epshilligin jarıs maydanında kórsetti.

 Qızǵın bellesiwlerge bay tárizde bolıp ótken jarıs juwmaǵında, jeńimpaz komandalar anıqlanıp, olarǵa «Direktor kubogi», dárejeli Diplom hám estelik sawǵalar tapsırıldı.

Filial Baspasóz xızmeti.