Ózbekstan mámleketlik dene tárbiyası hám sport universiteti Nókis filialında respublikamızdaǵı ǵalaba xabar quralları wákilleri ushın media tur shólkemlestirildi
Media turda filial direktorı, professor Bayrambay Erimbetov jurnalistlerge filialda tálim alıp atırǵan studentlerdiń «Sport pedagogik sheberligin arttırıw» ámeliy sabaqların ótetuǵın sport zallarında jaratılǵan sharayatlar hám islenip atırǵan jumıslar haqqında keń túrde maǵlıwmatlar berip ótti.
Soń media tur sheńberinde filial student-jasları arasında milliy sport túrleri hám xalıq oyınların keń túrde en jaydırıw hám ǵalabalıǵına erisiw maqsetinde «Direktor kubogi» ushın qasharman top sport jarıs shólkemlestirildi.
Bul haqqında maqala «Qaraqalpaqstan sportı» gazetasınıń 2024-jıl 30-mart kúngi 9-sanlı (1061) járiyalandı.
Filial Baspasóz xızmeti.