Filialda 9-aprel – Qaraqalpaqstan Respublikası Konstituciyası qabıl etilgenliginiń 31 jıllıǵı múnásibeti menen saltanatlı ilaj bolıp ótti
Saltanatlı ilajǵa Qaraqalpaqstan Respublikası Joqarǵı Keńesi Konstituciyalıq baqlaw komitetinen, salıq basqarması, sud uyımlarınan juwapker basshılar, filialdıń professor-oqıtıwshıları hám student-jaslar qatnastı.
Ilajdı filial direktorınıń Jaslar máseleleri, ruwxıylıq hám aǵartıwshılıq isleri boyınsha birinshi orınbasarı Rustam Xaydarov ashıp berdi hám basqarıp bardı.
Soń Qaraqalpaqstan Respublikası Joqarǵı Keńesi Konstituciyalıq baqlaw komiteti baslıǵı Paraxat Aytniyazov sózge shıǵıp, bársheni Qaraqalaqstan Respublikası Konstituciyasınıń qabıl etilgenliginiń 31 jıllıǵı menen qızǵın qutlıqlap, xalıqtıń abadanlıǵın támiyinlewde – Konstituciyanıń ornı hám áhmiyeti joqarı ekenligin aytıp ótti.
Onnan soń sózge shıqqanlar Konstituciya mámlekettiń tiykarǵı nızamı ekenligin, mámlekettiń keleshegi usı hújjette óz sáwleleniwin tapqanlıǵın, búgin elimizde júz berip atırǵan jańalanıwlar, demokratiyalıq huqıqıy mámleket qurıw, ádil puqaralıq jámiyetin qáliplestiriw jolında erisip atırǵan jetiskenliklerimizdiń barlıǵı Konstituciyada kórsetilgen tiykarǵı principlerdiń turmısqa tolıq engiziliwi menen baylanıslı ekenligin óz bayanatlarında keltirip ótti.
Filial Baspasóz xızmeti.