Búgin Ózbekstan mámleketlik dene tárbiyası hám sport universiteti Nókis filialında “Yosh olimlar akademiyasi” direktorı, S.Rustamova, akademiyanıń ilimiy bóliminiń is basqarıwshısı T.Aytmuratova, shet tiller boyınsha sinxron awdarmashı, “United school” oqıw orayı baslıǵı G.Dosnazarova, mental arifmetika boyınsha xalıqaralıq mentor, “Kelajak bunyodkori” sıylıǵı iyesi S.Aytmuratovalar filialda ilim menen shuǵıllanıp atırǵan jas izleniwshiler hám student-jaslar menen ushırastı.

 Ushırasıwda qánigeler ilaj qatnasıwshılarına ilimiy tezisler, maqala jazıw, respublikalıq hám shet el jurnallarında maqalalar járiyalaw, Scopus, Web of Science sıyaqlı xalıqaralıq ilimiy-texnikalıq maǵlıwmatlar bazasındaǵı jurnallar ushın maqalalar tayarlaw tártipleri, ilimiy isler, dissertatsiya jazıw boyınsha hám házirgi kúnde «trendke» aylanıp baratırǵan zamanagóy intensiv kursları, mental arifmetikanı úyreniw hám onıń paydalı tárepleri boyınsha maǵlıwmatlar berip ótti.

 Ilim menen shuǵıllanıp atırǵan jas izleniwshiler hám studentler ózlerin qızıqtırǵan sorawlarına juwaplar aldı.

Filial Baspasóz xızmeti.