Búgin Ózbekstan mámleketlik dene tárbiyası hám sport universiteti Nókis filialında «Álem nurǵa tolsın seniń menen, Nawrız!» súreni astında bayram ilajı bolıp ótti. Onda Qaraqalpaqstan Respublikası joqarı oqıw orınlarınıń rektor hám direktorları filialdıń professor-oqıtıwshıları, student-jasları hám bir qatar miymanlar qatnastı.

 Bayram keshesin filial direktorı, professor B.Erimbetov kiris sóz benen ashıp berdi hám jıynalǵanlardı shıǵıs xalıqlarıniń jıl bası esaplanǵan, jańalanıw hám jasarıw, áyyamı –Nawrız” ulıwma xalıqlıq bayramı menen filial miynet jámááti atınan qızǵın qutlıqladı.

 Soń filial hám respublikamızdaǵı joqarı oqıw orınlarınıń studentleri hám kórkem óner ǵayratkerleri tárepinen tayarlanǵan koncert baǵdarlaması jıynalǵanlar názerine usınıldı.

Filial Baspasóz xızmeti.