Dene tárbiyası hám sport metodikası, ámeliyatdaǵı ilimiy-ámeliy tiykarların jetilistiriw hám ilimiy tiykarlanǵan pikir-usınısların islep shıǵıw maqsetinde usı jıldıń 17-aprel kúni Ózbekstan mámleketlik dene tárbiyası hám sport universiteti Nókis filialında «Teoriya hám ámeliyattaǵı aktual mashqalalar»  atamasında respublikalıq ilimiy-ámeliy konferenciya óz jumısın basladı.

Konferenciyaǵa respublikamızdaǵı joqarı oqıw orınlarınıń professor-oqıtıwshıları, ilimiy izleniwshiler, taraw qánigeleri, pedagog kadrlardı qayta tayarlaw hám qánigeligin jetilistiriw institutları hám ilimiy shólkemlerdiń xızmetkerleri, magistrantlar menen student-jaslar qatnastı.

Konferenciyanı Ilimiy isler hám innovaciyalar boyınsha direktor orınbasırı Islambek Mámbetnazarov kiris sóz benen ashıp berdi.

Soń Qazaqstan Respublikası hám respublikamızdaǵı joqarı oqıw orınlarınıń professor-oqıtıwshıları, doktorantlar, erkin izleniwshiler, magistrantlar hám filialdıń ziyrek studentleriniń bayanatları tıńlandı.

Konferenciyanı ótkeriwden tiykarǵı maqset qánigeler menen birgelikte dene tárbiyası hám sport tarawındaǵı áhmiyetke iye tálim-tárbiya boyınsha tarawdaǵı sońǵı jetiskenlikler boyınsha tájiriybe almasıw.

Filial Baspasóz xızmeti.