Jaslar isleri agentligi Qaraqalpaqstan Respublikası jaslar isleri basqarması, Sanlı texnologiyalar ministrligi Qaraqalpaqstan Respublikası basqarması, IT PARK hám Sirius IT Academy menen birgelikte Nókis qalasındaǵı 1-sanlı balalar hám jas óspirimler sport mektebinde (Manej) “Digital Forum”nıń ashılıw máresimi bolıp ótti.

 Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, sońǵı jılları elimizde barlıq tarawdı sanlastırıwǵa hám bul processke jaslardı keńnen tartıwǵa, IT dı keńnen en jaydırıwǵa ayrıqsha itibar qaratılıp atırǵanlıǵın atap ótti.

  Forum IT, innovaciya, biznes, oqıw orayları, startap joybarlar hám qábiletli jaslardı birlestirmekte.

 Ózbekstan mámleketlik dene tárbiyası hám sport universiteti Nókis filialı studentleride forumda ózleriniń joybarları menen qatnaspaqta.

 Qaraqalpaqstanda birinshi ret ótkerilip atırǵan forumda joybarlar, islep shıǵarǵan ónimler hám xızmetler qatnasıwshılarıǵa usınılmaqta. Sonıń menen birgelikte eń sońǵı texnologiya trendleri dodalanıp, tájiriybe hám ideyalar almasılıp, taza zatlar úyrenilip, qánigeler menen sáwbetlesiwler alıp barılmaqta.

Filial Baspasóz xızmeti.