Jámiyetimizde júz beriwi múmkin bolǵan hár qanday korrupciyalıq jaǵdaylardıń aldın alıw hám student-jaslar arasında bunday qáwipli illetke qarsı immunitetti qáliplestiriw maqsetinde búgin Ózbekstan mámleketlik dene tárbiyası hám sport universiteti Nókis filialında «Birgelikte korrupciyanı toqtata alamız» atamasında ushırasıw bolıp ótti.

 Ushırasıwǵa Qaraqalpaqstan Respublikası Ádillik ministrligi bas qánigesi N.Berdiniyazova, filial profilaktika inspektorı, kapitan R.Ismaylov, Korrupcıyaǵa qarsı gúresiw hám “Komplaens qadaǵalaw” sistemasın basqarıw bólimi bas qánigesi N.Ramankulov, Yuriskonsult M.Sagindikov, Jaslar menen islesiw, ruwxıylıq hám aǵartıwshılıq bólimi baslıǵı B.Sabirov hám student-jaslar qatnastı.

 Onda sózge shıqanlar korrupciya, onıń unamsız áhibetleri, jámiyetimiz rawajlanıwı ushın keltiretuǵın keri tásiri, bul illettiń qulına aylanǵan shaxslarǵa nızamshılıqta belgilengen jınayıy jaza sharaları haqqında hám eger bunday illetiń gúwası bolǵan jaǵdayda qay mánzillerge xabar beriw kerekligi haqqında keń túrde túsinikler berip ótti.

 Ilaj qatnasıwshıları taraw qánigelerinen ózlerin qızıqtırǵan sorawlarına juwaplar aldı.

Filial Baspasóz xızmeti.