Ótken 2023-jıldıń dekabr ayında Tatarstan Respublikası baslıǵınıń respublikamızǵa bolǵan xızmet saparı juwmaǵında Qaraqalpaqstan Respublikası Joqarǵı Keńesiniń Baslıǵı menen birge islesiwlerdi ámelge asırıw boyınsha is-ilajlar rejesi islep shıǵılǵan edi.

 Usı tiykarda Ózbekstan mámleketlik dene tárbiyası hám sport universiteti Nókis filialı direktorı B.Erimbetov Tatarstan Respublikasınıń Volga boyı mámleketlik dene tárbiya, sport hám turizm universiteti rektorı w.w.a A.Sharipov penen eki joqarı oqıw orınları arasında birge islesiwlerdi jolǵa qoyıw maqsetinde óz-ara sóylesiwler alıp barmaqta.

 Xızmet saparı dawamında filial direktorı Volga boyı mámleketlik dene tárbiya, sport hám turizm universitetiniń ishki imkaniyatları menen jaqınnan tanıspaqta hám eki joqarı oqıw orınları arasında birge islesiwdi jolǵa qoyıw boyınsha óz-ara shártnamalar dúziwge kelisilmekte.

Filial Baspasóz xızmeti.