Usı jıldıń 23-fevral kúni  Ózbekstan Respublikası Prezidenti basshılıǵında ótkerilgen videoselektor májilisinde berilgen tapsırmalardı orınlaw, jumıs beriwshiler menen tuwrıdan-tuwrı sáwbetlesiw, pitkeriwshi kurs student-jaslarına jumıs tabıw, kadrlarǵa zárúrligi bar mákeme, shólkem hám qárxanalarǵa jumısqa jaylasıw imkaniyatı haqqında aymaqlıq miynet bazarı boyınsha tolıq maǵlıwmat beriw maqsetinde Ózbekstan mámleketlik dene tárbiyası hám sport universiteti Nókis filialında «Karera kúni» miynet yarmarkası ótkerildi.

 Bos jumıs orınları miynet yarmarkasın filial direktorınıń Jaslar máseleleri, ruwxıylıq hám aǵartıwshılıq isleri boyınsha birinshi orınbasarı R.Xaydarov kiris sóz benen ashtı hám «Karera kúni» haqqında student-jaslarǵa maǵlıwmatlar berip ótti.

 Maǵlıwmat ornında 2023-2024-oqıw jılında filialdı kúndizgi, sırtqı hám arnawlı sırtqı bakalavr tálim baǵdarların jámi 286 student pitkerip shıǵıwları kútilmekte.

 «Karera kúni» miynet yarmarkasına Nókis qalasındaǵı mákeme, kárxana hám shólkemler ózlerinde bar 345 bos jumıs orınları menen qatnastı.

Filial Baspasóz xızmeti.