Ózbekstan mámleketlik dene tárbiyası hám sport universiteti Nókis filialında  «Babalarımızdıń bay miyrası hám milliy qádiriyatlarǵa tiykarlanǵan kúshli mánawiyatqa tiykarlanamız» súrent tiykarında «Ózbekstan – ulıwma úyimiz!» atamasında doslıq festivalı bolıp ótti.

 Ilajdı filial direktorı, professor B.Erimbetov kiris sóz benen ashıp berdi.

 Soń sózge shıqqan Xalıq deputatları Nókis qalalıq Keńesi deputatı Q.Qalqorazov, qalalıq ruwxıylıq-aǵartıwshılıq orayı baslıǵı Q.Nuratdinov, qalalıq Allahberdi Aziz jome meshiti imam nayibi I.Kopabaev hám ustaz nuranıy B.Sultanovlar mámleketimizde tınısh-tatıw awızbirshilikte jasap atırǵan 130 dan aslam túrli millet wákilleriniń elimiz rawajlanıwı jolında qosıp atırǵan úlesi, olardıń tili, milleti, dini, rassasına qaramastan teń huqıqlı ekenligi haqqında keń túrde maǵlıwmatlar berip ótti.

 Festivalda túrkimen, orıs, ózbek, qazaq, kores hám ukrain milliy mádeniy orayları aǵzaları, filial professor-oqıtıwshıları hám student-jasları tárepinen túrli millet wákilleriniń milliy kórgizbeleri shólkemlestirildi.

 Soń túrli millet wákillerin bir jerge jámlestirgen mádeniy ilaj qaraqalpaq estrada juldızları hám filial studentler tárepinen tayarlanǵan koncert baǵdarlaması menen dawam etti. Festivaldıń joqarı dárejede shólkemleskenlik penen ótiwinde úles qosqan milliy mádeniy orayı aǵzalarına filial miynet jámááti atınan Minnetdarshılıq xatları tapsırıldı.

    Filial Baspasóz xızmeti.