Mas-Restling sport túri boyınsha Nókis qalasında usı jıldıń 16-19-may kúnleri aralıǵında ótkerilip atırǵan Aziya chempionatında Qazaqstan, Qirǵızstan, Mongoliya, Hindistan, Túrkmenstan, Pakistan mámleketleri hám elimizdiń 200 den aslam sportshıları chempionlıq ushın bellesiwler alıp barmaqta.

 Solar qatarında Ózbekstan mámleketlik dene tárbiyası hám sport universiteti Nókis filialı professor-oqıtıwshıları hám student-jaslarıda ózleriniń salmaq kategoriyaları boyınsha qatnaspaqta.

 Olar arasınan vetiran sportshılar qatarında qatnasqan filial direktorınıń Jaslar máseleleri, ruwxıylı hám aǵartıwshılıq isleri boyınsha birinshi orınbasarı R.Xaydarov 1-orın, «Sport oyınları» kafedrası assistent oqıtıwshısı I.Abdullaev 2-orın hám «Boks» qánigeliginiń 3-kurs studenti U.Perdebaeva 3-orındı jeńip alıwǵa miyasar boldı.

 Jeńimpazlarımızdı filial miynet jámááti atınan qızǵın qutlıqlaymız.

Filial Baspasóz xızmeti.