Ózbekstan Respublikası Sport ministrligi, Joqarı bilimlendiriw, ilim hám innovaciyalar ministrligi, Studentler sport associaciyası, Jaslar isleri agentligi hám Kurash federaciyasınıń «Milliy hám shet mámleketler joqarı oqıw orınları studentleri arasında xalıqaralıq kurash jarısların shólkemlestiriw hám ótkeriw haqqında»ǵı qospa qararı qabıl etilgen edi.

Usı qospa qarar tiykarında ótkerilgen jarıstıń Qaraqalpaqstan Respublikalıq basqıshında filial studentleri arasınan qatnasqan U.Djumaniyazova hám A.Djalǵasbaevalar sıylı orınlardı iyelep Ózbekstan Respublikalıq basqıshına jollama alǵan edi.

Olar 17-18-may kúnleri aralıǵında Tashkent qalasında bolıp ótken Ózbekstan Respublikalıq basqıshında qatnasıp jarıs juwmaǵında A.Djalǵasbaeva 1-orın, U.Djumaniyazova 2-orındı iyelep jeńimpazlar qatarınan orın alıp shólkemlestiriwshiler tárepinen medal, Diplom hám estelik sawǵaları menen sıylıqlandı.

Filial Baspasóz xızmeti.