Student-jaslar menen tıǵız islesiwdi jolǵa qoyıw, olardıń juwmaqlawshı qadaǵalawshı imtixanları hám oqıw barısında dus kelip atırǵan tosıqların anıqlaw, pikir-usınısların tıńlaw, ushırasıp atırǵan mashqalaların sol jerdiń ózinde saplastırıw maqsetinde Ózbekstan mámleketlik dene tárbiyası hám sport universiteti Nókis filialında «Direktor hám jaslar» ushırasıwı bolıp ótti.

 Ushırasıwǵa filial direktorı, professor B.Erimbetov, Jaslar máseleleri, ruwxıylıq hám aǵartıwshılıq isleri boyınsha birinshi orınbasarı R.Xaydarov hám Ilimiy isler hám innovaciyalar boyınsha direktor orınbasarı I.Mambetnazarovlar qatnastı.

 Onda filial direktorı B.Erimbetov student-jaslar menen juwmaqlawshı qadaǵalaw imtixan barısı, ushırasıp atırǵan tosıqlar, oqıw procesi menen baylanıslı, ijara shártnaması tiykarında ijara úylerinde jasap atırǵan studentlerdiń ijara pullarınıń waqtında tóleniwi, sonday-aq, studentlerdi materiallıq jaqtan xoshametlew boyınsha berilgen sorawlarına juwap berdi hám bul boyınsha juwapkerlerge tapsırmalar berdi.

Filial Baspasóz xızmeti.