Búgin 15-iyun kúni Ózbekstan mámleketlik dene tárbiyası hám sport universiteti Nókis filialında, filial direktorı, professor B.Erimbetov basshılıǵında direktor orınbasarları, bólim baslıqları, dekan, dekan orınbasarları, kafedra baslıqları hám professor-oqıtıwshıları qatnasında 2023-2024-oqıw jılınıń juwmaǵı boyınsha májilis bolıp ótti.

 Májilisti filial direktorı, professor B.Erimbetov kiris sóz benen ashtı hám basqarıp bardı.

Soń direktor orınbasarları, fakultet dekanı, kafedra baslıqları, profilaktika inspektorı hám Korrupcıyaǵa qarsı gúresiw hám “Komplaens qadaǵalaw” sistemasın basqarıw bólimi bas qánigesi tárepinen juwmaqlanıp atırǵan oqıw jılında studentlerdiń sabaqlardı ózlestiriw barısı, olardıń bos waqıtların mazmunlı ótkeriw maqsetinde ótkerilgen mádeniy ilajlar, «Temir dápter», «Hayallar dápteri» ne kiritilgen shańaraqlardıń perzentlerine, «Jaslar dápteri» ne kiritilgen, sonday-aq, mayıplıǵı bolǵan, shın jetim, sociallıq járdemge mútáj studentlerge kórsetilgen járdemler, ijara shártnaması tiykarında ijara úylerinde jasap atırǵan studentlerge ijara pullarınıń tóleniwi, jınayatshılıqtıń aldın alıw, korrupciyalıq jaǵdaylardı boldırmaw baǵdarında alıp barılǵan is-ilajlar, xalıqaralıq birge islesiw, respublikalıq, xalıqaralıq ilimiy – ámeliy konferenciyalar, filialdıń ilimiy potencialın kóteriw baǵdarında islengen jumıslar hám erisilgen jetiskenlikler aldınǵı oqıw jıllarına salıstırmalı túrde sózge shaqqanlardıń bayanatlarında ayrıqsha atap ótildi.

Májilis sońında qatnasıwshılardıń pikir-usınısları tıńlandı hám aldaǵı isleniwi kerek wazıypalar belgilep alındı.

 Filial Baspasóz xızmeti.