Búgin 22-iyul kúni Ózbekstan mámleketlik dene tárbiyası hám sport universiteti Nókis filialında «Haq jol sizge pitkeriwshiler» atamasında filial pitkeriwshilerine saltanatlı diplom tapsırıw keshesi bolıp ótti.

 Ilajdı filial direktorınıń oqıw isleri boyınsha orınbasarı B.Utemuratov kiris sóz benen ashtı hám basqarıp bardı.

 Soń sózge shıqqan professor-oqıtıwshılar pitkeriwshilerge aldaǵı jumıslarında hám oqıwlarında tasqın tabıslar tiledi.

 Maǵlıwmat ornında, 2023-2024-oqıw jılında jámi 17 bakalavr tálim baǵdarı boyınsha filialda 285 pitkeriwshi pitkerdi. Olardıń hámmesine 100 procent óz jumıs orınları boyınsha úsh tárepleme shártnamalar dúzilgen hám jumıs orınları boyınsha jollanbalar berilgen.

Filial Baspasóz xızmeti.