Ózbekstan mámleketlik dene tárbiyası hám sport universiteti Nókis filialında taraw qánigeleri tárepinen professor-oqıtıwshılar, studentler hám olardıń ata-anaları qatnasında «Iyis gázinen záhárleniwdiń aldın alıw» atamasında ushırasıw shólkemlestirildi.

 Ushırasıwdı filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı R.Xaydarov kiris sóz benen ashtı hám kelgen miymanlardı tanıstırdı.

 Soń Nókis qalası prokurorı, ádillik aǵa keńesshisi B.Rawshanbek hám qalalıq Ayırıqsha jaǵdaylar bólimi baslıǵı, padpolkovnik J.Jubanishovlar sózge shıqtı. Olar óz bayanatlarında búgingi kúnde iyis gáziniń záhárlániwdiń aldın alıw baǵdarında taraw qánigeleri tárepinen orınlarda alıp barılıp atırǵan  úgit-násiyat jumıslarına qaramastan xalqımız arasında jiye-jiye órtlerdiń júz berip atırǵanlıǵın atap ótti.

 Sonday-aq, hár bir ilaj qatnasıwshısın jılıtıw úskenelerinen paydalanıwda órt qáwipsizlik qaǵıydalarına qatań boysınıwǵa shaqırdı.

Filial Baspasóz xızmeti.