1-oktyabr – «Muǵallimler hám ustazlar kúni» bayramı múnásibeti menen Ózbekstan mámleketlik dene tárbiyası hám sport universiteti Nókis filialı professor-oqıtıwshıları hám xızmetkerleri arasında «Doslıq» kanalı boyında sporttıń jeńil atletika túrinen marafon shólkemlestirildi.

Onda qatnasıwshılar shólkemlestiriwshiler tárepinen kórsetilgen jas kategoriyaları belgilengen aralıqtı basıp ótti.

Qızǵın bellesiwlerge bay tárizde bolıp ótken jarıs sońında I-II-III orınlardı iyelegen sportshılarǵa Ózbekstan Kásiplik awqamları federaciyasınıń Qaraqalpaqstan

Keńesi, Qaraqalpaqstan Respublikası Sport ministrliginiń bólim baslıqları hám filial basshıları tárepinen shólkemlestiriwshiler tárepinen tayarlanǵan diplom hám estelik sawǵaları tapsırıldı.

Sıylıqlaw máresimi Ózbekstan mámleketlik kórkem óner hám mádeniyat institutı Nókis filialı studentleriniń atqarıwındaǵı koncert baǵdarlaması menen dawam etti.

Filial Baspasóz xızmeti.