Ózbekstan mámleketlik dene tárbiyası hám sport universiteti Nókis filialıda 1-oktyabr – Muǵallimler hám ustazlar kúni múnásibeti menen filial professor-oqıtıwshılarına ministrliklerdiń Húrmet jarlıqların saltanatlı túrde tapsırıw máresimi bolıp ótti.

 Onda filial direktorı, professor B.Erimbetov shıǵıp sóyledi hám Qaraqalpaqstan Respublikası Joqarǵı Keńesi Prezidiumınıń qararına muwapıq, elimizdi hár tárepleme rawajlandırıw hám xalqımızdıń abadan turmısın támiyinlew jolındaǵı pidákerli miynetleri, jas áwladtı Watandı súyiwshilik hám ǵárezsizlik ideyalarına sadıqlıq ruwxında tárbiyalaw hámde olardı nawqıran, bilimli jaslar etip kamalǵa keltiriw jolındaǵı belsendiligi ushın kókirek belgisin alǵan hám Qaraqalpaqstan Respublikası Ministrler Keńesi Baslıǵınıń buyrıǵı menen   Húrmet jarlıqların alǵan professor-oqıtıwshılardı qutlıqladı hám bárshe ilaj qatnasıwshılarına jumıslarında tabıslar tiledi.

 Soń filial direktorı Ózbekstan Respublikası Sport ministrligi hám Qaraqalpaqstan Respubiikası sport ministrliginiń buyrıǵı menen elimizdi rawajlandırıw, ǵárezsizligimizdi ele de bekkemlew, nawqıran hám bilimli jas áwladtı salamat hám bárkamal jaslar etip tárbiyalaw jolındaǵı jemisli miynetleri ushın filialdıń bir qatar professor-oqıtıwshılarına ministrliktiń Húrmet jarlıqların saltanatlı túrde tapsırdı.

Filial Baspasóz xızmeti.