Ózbekstan mámleketlik dene tárbiyası hám sport universiteti Nókis filialı tyutorları profilaktika inspektorı, kapitan R.Ismaylov hám  órt qáwipsizligi inspektorı B.Nietullaev penen birgelikte ijara shártnaması tiykarınada ijara úylerinde jasap atırǵan studentlerdiń jasaw jaǵdaylarınan xabar alıp, olardıń úyleriniń gúz-qıs máwsimine tayarlıǵın úyrenbekte.

Úyreniwler barısında studentlerge ertengi kúni kúnler suwıtıp jılıtıw úskenelerinen paydalanǵanda órt qáwipsizlik qádelerine qatań ámel etiw kerekligi boyınsha túsindiriw jumısların alıp barmaqta. Egerde jılıtıw úskenelerinde nasazlıqlar anıqlansa dárhal tiyisli taraw qánigelerin shaqırıp nasazlıqtı ornında saplastırıw ilajların kórmekte.

Álbette, islenip atırǵan bunday ilajlar ertengi kúni júz beriwi múmkin bolǵan iyis gazinen záhárleniw hám kelip shıǵıwı múmkin bolǵan órtlerdiń aldın alıwǵa tiykar boları anıq.

Filial Baspasóz xızmeti.