Ózbekstan Respublikası Prezidentiniń 2022-jıl 3-noyabr kúni «Dene tárbiyası hám sport tarawında kadrlardı tayarlaw hám ilimiy izleniwler sistemasın jánede jetilistiriw is-ilajları haqqında»ǵı PQ 414-sanlı qararı qabıl etilgen edi.

Usı qarar tiykarında akademiyalıq movillik baǵdarlaması sheńberinde filialdıń kúndizgi bóliminde bilim alıp atırǵan studentleri arasınan qálewshiler 2024-2025-oqıw jılınıń gúzgi semestirin Ózbekstan mámleketlik dene tárbiyası hám sport universitetinde oqıw ushın Toshkent qalasına barǵan edi.

Olardı ol jaqta «Sport túrleri» fakulteti dekanı D.Nurıshov hám «Dene tárbiya teoriyası hám gumaniytar pánler kafedrası» oqıtıwshısı S.Saparniyazovlar kútip alıp, belgilengen tártip boyınsha jaylastırǵan edi.

Búgin filial studentlerine universitettiń Oqıw isleri boyınsha prorektorı Eldor Raxmanov tiyisli kafedra baslıqları qatnasında ushırasıw ótkerdi hám olarǵa universitettegi jaratılǵan haqqında maǵlıwmatlar berdi.

Soń filial studentleri qánigelikleri kesiminde gruppalarına jaylastırıldı hám akademiyalıq movillik baǵdarlaması sheńberinde oqıwların baslap jiberdi.

Filial Baspasóz xızmeti.