Qaraqalpaqstan Respublikası Joqarǵı Keńesi Prezidiumınıń qararı menen Ózbekstan mámleketlik dene tárbiyası hám sport universiteti Nókis filialı «Qılıshpazlıq» qánigeliginiń studenti Nafisa Urazbaeva sportta erisken jetiskenlikleri ushın «Úmit ushqını» kókirek nıshanı menen sıylıqlandı.

Sıylıqlaw máresiminde kókirek nıshanın jaslarǵa Qaraqalpaqstan Respublikası Joqarǵı Keńesiniń Baslıǵı A.Orınbaev tapsırdı.

Nafisa Urazbaeva – Ózbekstan saylandı komandası aǵzası. Ol usı kúnge shekem sporttıń qılıshpazlıq túrinen tórt márte Ózbekstan chempionı boldı. Sonday-aq, 2023-jılı dekabr ayında ótkerilgen «Bolajaq alım» tańlawı sheńberinde ótkerilgen «START4REGION» ilimiy joybarlar tańlawında óziniń «Fencing VR» joybarı menen qatnasıp grant utıp alǵan edi.

Nafisa ilimiy basshısı I.Mambetnazarov penen birgelikte bir qatar ilimiy maqalaların xalıqaralıq ilimiy jurnallardan baspadan shıǵarıp kelmekte.

Filial Baspasóz xızmeti.