Usı jıldıń 21-23-noyabr kúnleri aralıǵında Tashkent wálayatınıń Angren qalasındaǵı Dukent sport salamatlastırıw kompleksinde fidjital sport oyınları boyınsha Ózbekstan chempionatınıń Respublikalıq basqıshı bolıp ótken edi.

Fidjital futbol (FIFA 24 Futbol 2×2) boyınsha ótkerilgen jarısqa Ózbekstan boyınsha jámi 16 komanda qatnastı. Olar arasında Ózbekstan mámleketlik dene tárbiyası hám sport universiteti Nókis filialı saylandı komandası aǵzalarıda bar.

Chempionlıq ushın alıp barılǵan qızǵın bellesiwde filialdıń saylandı komandası aǵzaları oyın juwmaǵında 3-orındı iyelep, shólkemlestiriwshiler tárepinen medal, Diplom hám estelik sawǵaları menen sıylıqlandı.

Komanda aǵzaların jarısqa trenerlerden I.Abdullaev, M.Qutlımuratov hám T.Kayipnazarovlar tayarladı.

Filial Baspasóz xızmeti.