«Jasıl mákan» ulıwma milliy joybarı sheńberinde aymaqlarda jasıl qaplamalı maydanlardıń kólemin keńeytiw maqsetinde xalqımız awızbirshilikli túrde hár qıylı sayamanlı hám dekorativ terek nállerin egiw jumısların alıp barmaqta.

Búgin Ózbekstan mámleketlik dene tárbiyası hám sport universiteti Nókis filialı student-jasları «Jasıl mákan» ulıwma milliy joybarı sheńberinde filial aymaǵındaǵı jer maydanların jabayı shóplerden, tereklerden túsken japıraqlardan tazalaw hám hár qıylı sayamanlı hám dekorativ terek nállerin ekti.

Ulıwma milliy joybarı sheńberinde kewilli studentler oqıw ornınıń átirapınıń tazalıǵın saqlawǵa hám terek nállerin egiwde óz úleslerin qospaqta.

Filial Baspasóz xızmeti.