Elimizde hayal-qızlar arasında zorlıq hám jınayatshılıqtıń aldın alıw maqsetinde usı jıldıń 28-noyabr kúni Ózbekstan mámleketlik dene tárbiyası hám sport universiteti Nókis filialında «Hayal-qızlar huqıqları, erkinlikleri hám nızamlı máplerin qorǵaw» atamasında student-qızlar menen ushırasıw bolıp ótti.

Ushırasıwdı filial direktorınıń Hayal-qızlar máseleleri boyınsha másláhátshisi B.Allambergenova ashtı hám basqarıp bardı.

Ilajda Nókis qalalıq IIO JMB XKMB aǵa inspektorı podpolkovnik A.Namenova hám filial profilaktika inspektorı, kapitan R.Ismaylovlar tárepinen hayal-qızlardıń turmısında ushırasıp atırǵan basım, zorlıq, zorlıqtan saqlanıw ushın qorǵanıw orderin alıw tártibi, gender teńligi hám sonıń menen birge olar arasında júz berip atırǵan jınayatlar hám júz beriwi múmkin bolǵan jınayatlardıń aldın alıw baǵdarında taraw qánigeleri tárepinen islenip atırǵan jumıslar haqqında keń túrde maǵlıwmatlar berip ótildi.

Student qızlar ózlerin qızıqtırǵan sorawlarına taraw qánigelerinen juwaplar aldı.

Filial Baspasóz xızmeti.